Brødrene Aa er i gang
Even Rønnekleiv viser batteripakke montert på dekk på fartøy under bygging.
Brødrene Aa er i gang og har definert og prioritert både fokus og innhald i sitt prosjekt.
SmartSirk sin ambisjon er å auka norsk produksjonsindustri si konkurransekraft og utvikle produksjonen i ei grønare og meir miljø- og ressursvenleg retning. Meir konkret handlar det om å ta vare på ressursane i utrangerte varer og produkt, og gjenoppbygge eller restaurere produktet eller komponenten til ny forventa standard. Denne prosessen er definert som remanufacturing, og er ei tilnærming som inngår i ein sirkuler økonomisk strategi.
Brødrene Aa, som ei av partnarbedriftene i prosjektet, byggjer høghastigheitsfartøy i karbonfiber, og er verdsleiande innafor sin bransje. Og dei er klare på at dei vil utvikle produksjonen slik at dei blir meir miljø- og ressursvenlege. Dette gjeld både i byggeprosessen og i drifta av fartøya i heile livsløpet.
Innsatsen fram til no har vore å peike ut områda det skal fokuserast på for å nå målet, og i samarbeid med SINTEF har dei definert tre hovedtema for å samle kunnskap og grunnlag for best muleg prosess vidare. Og prioriterte oppgåver i denne første fasen av prosjektet blir : 1) samla inn data gjennom sporing av utvalde komponenter i fartøyet, 2) integrering av livssyklusanalyse (LCA) i komponentvurderingane, og 3) strategisk bruk av innsamla data for å optimalisere vedlikehald, ombygging og design.
Innsamla data og kunnskap om dei utvalde komponentane, saman med LCA, vil sidan bli brukt til å evaluere komponentane si miljøpåverknad gjennom hele livsløpet; dvs frå utvinning av råmaterialar til produksjonsprosess og bruk, samt avhending når livsløpet er over. Det vil bidra til at selskapet kan ta målretta avgjerder som reduserer miljøavtrykket til fartøya.
Eksempelvis kan vedlikehaldet effektiviserast ved å predikere og optimalisere service-intervalla og redusere nedetiden til fartøyet, og på den måten redusere både arbeidstid og ressursforbruk.
Brødrene Aa satsar også på ombygging av eksisterande dieseldrevne fartøy til elektrisk framdrift. Ved å ha betre oversikt over komponentane sin tilstand og spesifikasjonar, kan ombyggingar gjennomførast meir effektivt og berekraftig ved å gjenbruke delar frå fartøya som skal ombyggast. Dette er i tråd med den sirkulere strategien ved bruk av deler frå utrangerte produkt når dei bygger nye fartøy som har same funksjonalitet.
Vidare kan selskapet leggje klare rammer og setje krav til val av komponentar i designfasen, basert på innsamla kunnskap om levetid og miljøpåverknad frå sporings- og analyseaktiviteten som er gjennomført. Resultatet vil bli redusert ressursbruk og auka effektivitet for fartøyet, og reduksjon av forbruket av naturressursar og materialar.
Parallelt med denne planlagde praktiske gjennomføringa blir det også jobba med å finne optimal forretningsmodell og verdikjede i den sirkulere strategien. Resultata vil bli formidla suksessivt under vegs i alle kanalar og til alle som vil høyre. Så ta gjerne kontakt og føl med på denne nettsida og på prosjektet si linkedIn profil.